മാംഗോ സാലഡ്
1.പച്ചമാങ്ങ – ഒന്ന്, നീളത്തിൽ കനം കുറച്ചരിഞ്ഞത്
സവാള – ഒന്നിന്റെ പകുതി, നീളത്തിൽ കനം കുറച്ചരിഞ്ഞത്
കാപ്സിക്കം – ഒന്നിന്റെ പകുതി, നീളത്തിൽ കനം കുറച്ചരിഞ്ഞത്
സാലഡ് കുക്കുമ്പർ – ഒന്നിന്റെ പകുതി, നീളത്തിൽ കനം കുറച്ചരിഞ്ഞത്
കാരറ്റ് – ഒന്ന്, നീളത്തിൽ കനം കുറച്ചരിഞ്ഞത്
ഡ്രസ്സിങ്ങിന്
2.ഉപ്പ് – പാകത്തിന്
കുരുമുളകുപൊടി – അര ചെറിയ സ്പൂൺ
നാരങ്ങാനീര് – ഒരു വലിയ സ്പൂൺ
എണ്ണ – ഒരു വലിയ സ്പൂൺ
സോയ സോസ് – ഒരു വലിയ സ്പൂൺ
വറ്റൽമുളകു ചതച്ചത് – കാൽ ചെറിയ സ്പൂൺ
തേൻ – ഒരു വലിയ സ്പൂൺ
ടുമാറ്റോ കെച്ചപ്പ് – ഒരു വലിയ സ്പൂൺ
വെളുത്ത എള്ള് – ഒരു വലിയ സ്പൂൺ
3.നിലക്കടല വറുത്തത് – രണ്ടു വലിയ സ്പൂൺ
പാകം ചെയ്യുന്ന വിധം
∙ഒരു വലിയ ബൗളിൽ ഒന്നാമത്തെ ചേരുവ യോജിപ്പിക്കുക.
∙ഡ്രസ്സിങ്ങ് തയാറാക്കാൻ രണ്ടാമത്തെ ചേരുവ നന്നായി യോജിപ്പിക്കുക.
∙ഇത് ഒന്നാമത്തെ ചേരുവയിൽ ചേർത്തിളക്കണം.
∙വിളമ്പുന്നതിനു മുൻപു വറുത്ത നിലക്കടല ചേർത്തു വിളമ്പാം.
