ഫോട്ടോ : സരുണ്‍ മാത്യു, പാചകക്കുറിപ്പുകള്‍ക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: സാം ജേക്കബ്, എക്സിക്യൂട്ടീവ് ഷെഫ്, പാരഗൺ, ലുലു മാൾ, ഇടപ്പള്ളി
കോവൽ ഇല കോളിഫ്ളവർ പുട്ടിന്
1. പുട്ടുപൊടി – 100 ഗ്രാം
കോളിഫ്ളവർ പൊടിയായി അരിഞ്ഞത് – 50 ഗ്രാം
കോവയ്ക്ക പൊടിയായി അരിഞ്ഞത് – 25 ഗ്രാം
കോവൽ ഇല പൊടിയായി അരിഞ്ഞത് – രണ്ടു വലിയ സ്പൂൺ
2. ഉപ്പ് – പാകത്തിന്
വെള്ളം – പാകത്തിന്
നെല്ലിക്ക കറിക്ക്
3. ചുവന്നുള്ളി – 50 ഗ്രാം
4. വെള്ളം – പാകത്തിന്
5. എണ്ണ – അൽപം
6. കടുക് – ഒരു നുള്ള്
7. ഉലുവ – ഒരു നുള്ള്
വറ്റൽമുളകു പൊടിയായി അരിഞ്ഞത് – അര ചെറിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് പൊടിയായി അരിഞ്ഞത് – ഒരു ചെറിയ സ്പൂൺ
കറിവേപ്പില – ഒരു തണ്ട്
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂണ്‍
സവാള പൊടിയായി അരിഞ്ഞത് – രണ്ടു വലിയ സ്പൂൺ
8. നെല്ലിക്ക – 200 ഗ്രാം
9. കൊഴുപ്പു കുറഞ്ഞ പാൽ – 20 മില്ലി
10. തൈര് – അൽപം
പാകം ചെയ്യുന്ന വിധം
∙ ഒന്നാമത്തെ ചേരുവ പാകത്തിനുപ്പും വെള്ളവും ചേര്‍ത്തു പുട്ടിനെന്ന പോലെ നനയ്ക്കുക. ഇതു പുട്ടുകുറ്റിയിലാക്കി ആവിയിൽ വേവിച്ചെടുക്കാം.
∙ നെല്ലിക്ക കറി തയാറാക്കാൻ ചുവന്നുള്ളി വെള്ളം ചേര്‍ത്തു നന്നായി വേവിച്ച് ഉടയുന്ന പാകത്തിനു വെള്ളം വറ്റിച്ചെടുക്കുക. ഇത് അരച്ചു വയ്ക്കണം.
∙ പാനിൽ എണ്ണ ചൂടാക്കി കടുകു പൊട്ടിച്ച് ഏഴാമത്തെ ചേരുവ നന്നായി വഴറ്റണം.
∙ ഇതിൽ പാകത്തിനുപ്പും വെള്ളവും നെല്ലിക്കയും ചേർത്തു വെന്ത ശേഷം ഉള്ളി അരച്ചതു ചേർത്തു തിളപ്പിക്കുക. കുറുകുമ്പോൾ പാൽ ചേർത്തു തിളപ്പിച്ചു വാങ്ങുക. തൈരു ചേർത്തു വിളമ്പാം.
