കുമ്പളങ്ങ മോരു കറി
1.കുമ്പളങ്ങ, ചതുരക്കഷണങ്ങളാക്കി അരിഞ്ഞത് – അരക്കപ്പ്
2.ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
3.പരിപ്പ് – ഒരു വലിയ സ്പൂൺ, കുതിർത്തത്
തേങ്ങ ചുരണ്ടിയത് – കാൽ കപ്പ്
മല്ലി – ഒരു ചെറിയ സ്പൂൺ
ജീരകം – ഒരു ചെറിയ സ്പൂൺ
ചുവന്നുള്ളി – മൂന്ന്
ഇഞ്ചി – അരയിഞ്ചു കഷണം
പച്ചമുളക് – നാല്
4.തൈര് – ഒന്നരക്കപ്പ്
5.വെളിച്ചെണ്ണ – ഒരു ചെറിയ സ്പൂൺ
6.കടുക് – അര ചെറിയ സ്പൂൺ
വറ്റൽമുളക് – രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙കുമ്പളങ്ങ രണ്ടാമത്തെ ചേരുവയും പാകത്തിനു വെള്ളവും ചേർത്തു വേവിക്കുക.
∙മൂന്നാമത്തെ ചേരുവ മയത്തിൽ അരച്ച് അരപ്പു തയാറാക്കുക.
∙ഇത് കുമ്പളങ്ങ വേവിച്ചതിൽ ചേർത്ത് ഇളക്കി യോജിപ്പിക്കണം.
∙അരപ്പു വെന്തു വരുമ്പോൾ നന്നായി ഉടച്ച തൈരു കൂടി ചേർത്തിളക്കി ചൂടാക്കുക. തിളയ്ക്കരുത്.
∙വെളിച്ചെണ്ണയിൽ ആറാമത്തെ ചേരുവ താളിച്ചു കറിയിൽ ചേർക്കാം.
