പനീർ കോക്കനട്ട് സ്പ്രിങ് റോൾസ്
1.പനീർ പൊടിച്ചത് – 150 ഗ്രാം
പഞ്ചസാര പൊടിച്ചത് – ആറു വലിയ സ്പൂൺ
തേങ്ങ ചുരണ്ടിയത് – അരക്കപ്പ്
കശുവണ്ടിപ്പരിപ്പ് നുറുക്ക് – 50 ഗ്രാം
ഉണക്കമുന്തിരി – 25 ഗ്രാം
വനില എസ്സൻസ് – കാല് ചെറിയ സ്പൂൺ
2.മൈദ – മുക്കാൽ കപ്പ്
കോൺഫ്ളോവർ – മുക്കാൽ കപ്പ്
മുട്ട – രണ്ട്
ഉപ്പ് – പാകത്തിന്
വെള്ളം – ഒന്നേകാൽ കപ്പ്
3.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു ഫില്ലിങ് തയാറാക്കി വയ്ക്കണം.
∙രണ്ടാമത്തെ ചേരുവ ഒരു ബൗളിലാക്കി കട്ടകെട്ടാതെ മാവു കലക്കിയെടുക്കണം.
∙ചൂടായ ദോശക്കല്ലിൽ ഓരോ തവി മാവു കോരിയോഴിച്ച് ദോശ പോലെ പരത്തി തിരിച്ചും മറിച്ചുമിട്ടു ചുട്ടെടുക്കുക. ഇതാണ് പാൻകേക്ക്.
∙ഓരോ പാൻകേക്കിന്റെയും ഒരറ്റത്ത് രണ്ടു വലിയ സ്പൂൺ വീതം ഫില്ലിങ് വച്ച് ഇരുവശവും ഉള്ളിലേക്കു മടക്കി ചുരുട്ടിയെടുക്കണം.
∙അറ്റം അൽപം മൈദ കലക്കിയതു കൊണ്ട് ഒട്ടിക്കാം
∙ഇതു തിളച്ച എണ്ണയിലിട്ടു കരുകരുപ്പായി വറുത്തു കോരുക.