അയല പ്രേമികൾക്കായി ഇതാ പുതിയൊരു വിഭവം. തവയിൽ പൊള്ളിച്ചെടുത്ത അയല കിടിലൻ ടെസ്റ്റിൽ.
ചേരുവകൾ
1.അയല - ഒരു കിലോ
2.കുരുമുളകുപൊടി - ഒരു ടീസ്പൂൺ
3.മഞ്ഞൾപ്പൊടി - അര ടീസ്പൂൺ
4.ജീരകം - അര ടീസ്പൂൺ
5.ഇഞ്ചി - നാല് ചെറിയ കഷ്ണം
6.വെളുത്തുള്ളി - 12 തൊട്ട് 15 എണ്ണം വരെ
7.പച്ചമുളക് - അഞ്ചണ്ണം
8.ചെറിയ ഉള്ളി - 12 എണ്ണം
9.കറിവേപ്പില - കുറച്ച്
10.മല്ലിയില - ഒരുപിടി
11.പുതിനയില - ഒരുപിടി
12.നാരങ്ങാനീര് - മൂന്ന് ടേബിൾ സ്പൂൺ
13.വെളിച്ചെണ്ണ - ഒരു ടേബിൾ സ്പൂൺ
14.ഉപ്പ് - ഒരു ടീസ്പൂൺ
15.കോൺഫ്ലവർ - രണ്ട് ടേബിൾ സ്പൂൺ
തയ്യാറാക്കുന്ന വിധം
•അയല നന്നായി വൃത്തിയാക്കിയതിനു ശേഷം വരഞ്ഞുകൊടുത്ത് നടുഭാഗം പൊളിച്ചടുക്കുക.
•മിക്സിയുടെ ചെറിയ ജാറിലേക്ക് മേൽപ്പറഞ്ഞ എല്ലാ ചേരുവകളും ഇട്ടതിനുശേഷം നന്നായി അരച്ചെടുക്കുക.
∙അരച്ചെടുത്തതിനുശേഷം ഇത് മീനിലേക്ക് പുരട്ടി 30 മിനിറ്റ് മാരിനേറ്റ് ചെയ്യാനായിട്ട് മാറ്റിവയ്ക്കാം.
∙ഒരു തവയിൽ രണ്ട് ടേബിൾ സ്പൂൺ വെളിച്ചെണ്ണ ഒഴിച്ചു കൊടുത്തതിനു ശേഷം ഈ മീൻ തിരിച്ചും മറിച്ചും ഇട്ട് ഫ്രൈ ചെയ്ത് എടുക്കാം. രുചികരമായ അയല പൊള്ളിച്ചത് തയാർ.
