നെല്ലിക്ക രസം
1.നെല്ലിക്ക – ആറ്
2.തക്കാളി – രണ്ട്, അരിഞ്ഞത്
വെളുത്തുള്ളി – നാല് അല്ലി
കുരുമുളക് – ഒരു ചെറിയ സ്പൂൺ
ജീരകം – ഒന്നര ചെറിയ സ്പൂൺ
3.പച്ചമുളക് – രണ്ട്, നീളത്തിൽ അരിഞ്ഞത്
മഞ്ഞൾപ്പൊടി – ഒരു ചെറിയ സ്പൂൺ
കറിവേപ്പില – ഒരു തണ്ട്
വെള്ളം – രണ്ടു–മൂന്നു കപ്പ്
4.പരിപ്പ്, വേവിച്ചത് – അരക്കപ്പ്
ഉപ്പ് – പാകത്തിന്
കായംപൊടി – അര ചെറിയ സ്പൂൺ
5.മല്ലിയില – രണ്ടു വലിയ സ്പൂൺ
6.നെയ്യ് – ഒരു ചെറിയ സ്പൂൺ
വറ്റൽമുളക് – രണ്ട്
പാകം ചെയ്യുന്ന വിധം
∙നെല്ലിക്ക കഴുകി കുരുകളഞ്ഞു കഷണങ്ങളാക്കി വയ്ക്കുക.
∙മിക്സിയുടെ ജാറിൽ രണ്ടാമത്തെ ചേരുവയും നെല്ലിയും ചേർത്ത് അരയ്ക്കണം.
∙പാനിൽ നെല്ലിക്ക മിശ്രിതവും മൂന്നാമത്തെ ചേരുവയും ചേർത്തു തിളപ്പിക്കുക.
∙നാലാമത്തെ ചേരുവയും ചേർത്തു തിളപ്പിച്ച് മല്ലിയിലയും ചേർത്തിളക്കി വാങ്ങുക.
∙പാനിൽ നെയ്യ് ചൂടാക്കി വറ്റൽമുളക് വഴറ്റി താളിച്ചു രസത്തിൽ ചേർത്തു വിളമ്പാം.
