ഭക്ഷണത്തിൽ സാലഡുകൾ ഉൾപ്പെടുത്തുന്നത് കൊണ്ട് ഗുണങ്ങൾ ഏറെയാണ്. വെജിറ്റബിൾസ് കഴിക്കാൻ പൊതുവെ കുട്ടികൾക്ക് മടിയാണ്. എന്നാൽ ഇത്തരത്തിൽ ഒരു സാലഡ് ഉണ്ടാക്കി കൊടുത്താൽ ആരായാലും കഴിച്ചു പോകും.
ചേരുവകൾ
•കുരുമുളകുപൊടി - ഒരു ടീസ്പൂൺ
•ഒറിഗാനോ - അര ടീസ്പൂൺ
•ഉപ്പ് - അര ടീസ്പൂൺ
•മയോണൈസ് - മൂന്ന് ടേബിൾ സ്പൂൺ
•ഒലിവ് ഓയിൽ - കാൽ
•നാരങ്ങാനീര് - മൂന്ന് ടേബിൾ സ്പൂൺ
•വേവിച്ച കിഡ്നി ബീൻസ് - അരക്കപ്പ്
•വേവിച്ച വെള്ള കടല – അരക്കപ്പ്
•ക്യാപ്സിക്കം അരിഞ്ഞത് - അരക്കപ്പ്
•ക്യാരറ്റ് അരിഞ്ഞത് - കാൽകപ്പ്
•ലെറ്റൂസ് അരിഞ്ഞത് - ഒരു കപ്പ്
•സ്പ്രിങ് ഒണിയൻ അരിഞ്ഞത് - അരക്കപ്പ്
•കുക്കുമ്പർ അരിഞ്ഞത് - അരക്കപ്പ്
•ടൊമാറ്റോ അരിഞ്ഞത് - ഒരു കപ്പ്
•പാസ്ത വേവിച്ചത് - ഒരു കപ്പ്
•ഫെറ്റ ചീസ് അരിഞ്ഞത് - ഒരു കപ്പ്
•പാഴ്സലി ലീഫ് അരിഞ്ഞത് - ഒരു കപ്പ്
തയ്യാറാക്കുന്ന വിധം
∙ഒരു വലിയ പാത്രത്തിലേക്ക് കുരുമുളക് പൊടിയും, ഒറിഗാനോയും, മയോണൈസും, ഒലിവ് ഓയിലും, നാരങ്ങാനീരും, ഉപ്പും ചേർത്ത് നന്നായി അടിച്ചെടുക്കുക.
∙ശേഷം അരിഞ്ഞുവെച്ച എല്ലാ വെജിറ്റബിൾസും, വേവിച്ച ബീൻസും,പാസ്തയും, ചീസും ചേർത്ത് എല്ലാം ഇളക്കിയെടുത്താൽ സാലഡ് റെഡി.