1. മൈദ – ഒന്നരക്കപ്പ്
ഗോതമ്പുപൊടി – അരക്കപ്പ്
ഉപ്പ് – പാകത്തിന്
നെയ്യ്– രണ്ടു ചെറിയ സ്പൂണ്
2. വെള്ളം – പാകത്തിന്
3. എണ്ണ – വറുക്കാന് ആവശ്യത്തിന്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ച ശേഷം പാകത്തിനു വെള്ളം ചേര്ത്തു കുഴച്ച് ചപ്പാത്തിമാവിന്റെ പരുവത്തിലുള്ള മാവു തയാറാക്കുക.
∙ ഇതു 10 മിനിറ്റ് വച്ച ശേഷം എട്ട്–പത്ത് ഉരുളകളാക്കി വയ്ക്കണം.
∙ ഓരോ ഉരുളയും മയം പുരട്ടിയ തട്ടില് വച്ച് കനം കുറച്ചു പരത്തിയ ശേഷം മുകളില് എണ്ണ പുരട്ടണം.
∙ ഇടത്തും വലത്തുമുള്ള വശങ്ങള് മധ്യഭാഗത്തേക്കു കൊണ്ടുവരുക.
∙ ഇനി മുകളിലും താഴെയുമുള്ള വശങ്ങളും മധ്യഭാഗത്തായി കൊണ്ടുവന്നു ചതുരാകൃതിയിലാക്കണം. നാലുവശങ്ങളുടെയും അരികുകള് തൊട്ടിരിക്കണം.
∙ ഇനി നാലു മൂലകളും നടുവിലേക്കു കൊണ്ടുവരണം. ഇത് ഒരു പൂവ് പോലെ ഇരിക്കണം.
∙ ഇത് ആകൃതി മാറാതെ മെല്ലേ പരത്തിയെടുക്കുക.
∙ ബാക്കി ഉരുളകള് കൊണ്ടും ഇങ്ങനെ തയാറാക്കി പരത്തിയെടുക്കണം.
∙ ഇത് ചൂടായ എണ്ണയിലിട്ട് ഇരുവശവും ഗോള്ഡന് ബ്രൗണ് നിറത്തില് വറുത്തെടുക്കാം.