1. മീൻ – കാൽ കിലോ
2. എണ്ണ – പാകത്തിന്
3. സവാള പൊടിയായി അരിഞ്ഞത് – അരക്കപ്പ്
ഇഞ്ചി – അരയിഞ്ചു കഷണം, പൊടിയായി അരിഞ്ഞത്
വെളുത്തുള്ളി ചതച്ചത് – ഒരു വലിയ സ്പൂൺ
കറിവേപ്പില പൊടിയായി അരിഞ്ഞത് – ഒരു വലിയ സ്പൂൺ
4. ഉരുളക്കിഴങ്ങു പുഴുങ്ങിപ്പൊടിച്ചത് – അരക്കപ്പ്
ഉപ്പ് – പാകത്തിന്
5. സവാള പൊടിയായി അരിഞ്ഞത് – കാൽ കപ്പ്
തക്കാളി പൊടിയായി അരിഞ്ഞത് – കാൽ കപ്പ്
പച്ചമുളക് – രണ്ട്, പൊടിയായി അരിഞ്ഞത്
വിനാഗിരി – അര െചറിയ സ്പൂൺ
ഉപ്പ് – പാകത്തിന്
6. മുട്ട – ഒന്ന്
7. റൊട്ടിപ്പൊടി – ഒരു കപ്പ്
പാകം െചയ്യുന്ന വിധം
∙ മീൻ വേവിച്ചു മുള്ളു മാറ്റി എടുത്തു ദശ കൈകൊണ്ടു ഞെരടിയെടുക്കണം.
∙ പാനിൽ ഒരു വലിയ സ്പൂൺ എണ്ണ ചൂടാക്കി മൂന്നാമത്തെ േചരുവ വഴറ്റുക.
∙ ഇതിലേക്കു മീൻ പൊടിച്ചതും ഉപ്പും ഉരുളക്കിഴങ്ങു പുഴുങ്ങിപ്പൊടിച്ചതും േചർത്തിളക്കി വാങ്ങി വയ്ക്കണം.
∙ അഞ്ചാമത്തെ ചേരുവ യോജിപ്പിച്ചു വയ്ക്കണം.
∙ മീൻ മിശ്രിതം നാരങ്ങാവലുപ്പമുള്ള ഉരുളകളാക്കി വയ്ക്കണം.
∙ ഓരോ ഉരുളയുടെയും നടുവിൽ ഒരു കുഴിയുണ്ടാക്കി അതിൽ അഞ്ചാമത്തെ ചേരുവ അൽപം വീതം നിറച്ച്, വീണ്ടും കട്ലറ്റ് ആകൃതിയിലാക്കുക.
∙ ഓരോന്നും മുട്ട അടിച്ചതിൽ മുക്കി റൊട്ടിപ്പൊടിയിൽ പൊതിഞ്ഞു ചൂടായ എണ്ണയിൽ വറുത്തു കോരുക.