ചീര–പനീർ കബാബ്
1.പച്ച ചീര – രണ്ടു കപ്പ്
വെളുത്തുള്ളി അല്ലി – ആറ്–ഏഴ്
ഇഞ്ചി – ഒരിഞ്ചു കഷണം
പച്ചമുളക് – മൂന്ന്
2.പനീർ – ഒരു കപ്പ്, ഗ്രേറ്റ് ചെയ്തത്
കടലമാവ് – കാൽ കപ്പ്
3.ഉപ്പ് – പാകത്തിന്
കുരുമുളകുപൊടി – പാകത്തിന്
ചാട്ട് മസാല – പാകത്തിന്
4.നെയ്യ് – രണ്ടു വലിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ മിക്സിയിലാക്കി നന്നായി അരയ്ക്കുക. ആവശ്യമെങ്കിൽ അൽപം വെള്ളം ചേർക്കാം.
∙പനീർ ഗ്രേറ്റ് ചെയ്തതിലേക്കു കടലമാവു ചേർത്തു യോജിപ്പിക്കുക.
∙അരച്ചു വച്ച കൂട്ടും മൂന്നാമത്തെ ചേരുവയും ചേർത്തു യോജിപ്പിച്ച് കബാബിന്റെ ആകൃതിയിലാക്കി വയ്ക്കുക.
∙പാനിൽ നെയ്യ് ചൂടാക്കി കബാബ് തിരിച്ചും മറിച്ചുമിട്ടു വറുത്തു കോരുക.