മൈദയും അവ്നും ബീറ്ററും വേണ്ട, ഇതാ തയാറാക്കാം ഈസി റവ കേക്ക്!
റവ കേക്ക്
1.റവ – ഒന്നേകാൽ കപ്പ്
പഞ്ചസാര – അരക്കപ്പ്
ഏലയ്ക്ക – മൂന്ന്
2.മുട്ട – രണ്ട്
നെയ്യ് ഉരുക്കിയത് – രണ്ടു വലിയ സ്പൂൺ
3.പാൽ – ഒരു കപ്പ്
4.ഉപ്പ് – ഒരു നുള്ള്
ബേക്കിങ് സോഡ – കാൽ ചെറിയ സ്പൂൺ
5.ബദാം നുറുക്കിയത് – അലങ്കരിക്കാൻ
പാകം ചെയ്യുന്ന വിധം
∙ഒന്നാമത്തെ ചേരുവ മിക്സിയുടെ ജാറിൽ നന്നായി പൊടിച്ചു വയ്ക്കുക.
∙ഒരു വലിയ ബൗളിൽ റവ മിശ്രിതവും രണ്ടാമത്തെ ചേരുവയും ചേർത്തു യോജിപ്പിക്കുക.
∙ഇതിലേക്കു കാൽ കപ്പ് പാൽ ചേർത്തു യോജിപ്പിച്ച് പതിനഞ്ചു മിനിറ്റു മൂടി വയ്ക്കണം.
∙ശേഷം ബാക്കി പാലും നാലാമത്തെ ചേരുവയും ചേർത്തു യോജിപ്പിച്ചു വയ്ക്കുക.
∙സോസ്പാനിൽ അൽപം നെയ്യ് പുരട്ടി തയാറാക്കിയ മിശ്രിതം ഒഴിച്ച് ഒരു മിനിറ്റ് നല്ല തീയിൽ വേവിക്കുക.
∙മുകളിൽ ബദാം നുറുക്കിയത് വിതറി തീ കുറച്ചു വച്ച് പതിനഞ്ചു മിനിറ്റു മൂടി വച്ചു വേവിക്കണം.
∙ടൂത്ത്പിക് കൊണ്ടു കേക്കിന്റെ നടുവിൽ കുത്തിയാൽ കേക്ക് ഒട്ടിപ്പിടിക്കാത്തതാണു പരുവം.
∙തണുക്കുമ്പോൾ കഷണങ്ങളായി മുറിച്ചു വിളമ്പാം.
