ഓമനപ്പത്തിരി
1.മൈദ – ഒരു ക‌പ്പ്
മുട്ട – ഒന്ന്
ഉപ്പ് – ഒരു നുള്ള്
2.എണ്ണ – രണ്ടു വലിയ സ്പൂൺ
3.സവാള – ഒന്ന്, പൊടിയായി അരിഞ്ഞത്
ഇഞ്ചി അരിഞ്ഞത് – ഒരു ചെറിയ സ്പൂൺ
വെളുത്തുള്ളി അരിഞ്ഞത് – അര ചെറിയ സ്പൂൺ
പച്ചമുളക് – ഒന്ന്, പൊടിയായി അരിഞ്ഞത്
4.മുളകുപൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
ഉപ്പ് – പാകത്തിന്
5.തക്കാളി – ഒന്ന്, പൊടിയായി അരിഞ്ഞത്
6.മുട്ട – മൂന്ന്
7.നെയ്യ് – പാകത്തിന്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു പാകത്തിനു വെള്ളം ചേർത്തു മിക്സിയിൽ അടിച്ചു ദോശമാവിന്റെ അയവിൽ മാവു തയാറാക്കുക.
∙എണ്ണ ചൂടാക്കി മൂന്നാമത്തെ ചേരുവ വഴറ്റുക. ഇതിലേക്കു നാലാമത്തെ ചേരുവ ചേർത്തു നന്നായി വഴറ്റി മൂപ്പിക്കണം.
∙മസാലമണം വരുമ്പോൾ തക്കാളിയും ചേർത്തു വഴറ്റി എണ്ണ തെളിയുമ്പോൾ മുട്ട അടിച്ചതു ചേർത്തു ചിക്കിപ്പൊരിക്കുക. നന്നായി വരട്ടി വാങ്ങണം. ഇതാണ് ഫില്ലിങ്.
∙തവ ചൂടാക്കി, ഓരോ തവി മാവു വീതം കോരിയൊഴിച്ചു ദോശ ചുട്ടു മാറ്റിവയ്ക്കണം.
∙എല്ലാ ദോശയും തയാറാക്കിയശേഷം ഓരോ ദോശയിലും മുട്ടക്കൂട്ട് അൽപം വീതം വച്ചു ചുരുട്ടിയെടുക്കണം.
∙ഓരോ റോളിനു മുകളിലും നെയ്യ് തൂക്കണം.
