ചോകലേറ്റ് ഹാർട്ട് വിത്ത് സ്ട്രോബെറി ഫില്ലിങ്
1.വെർജിൻ കോക്കനട്ട് ഓയിൽ – മുക്കാൽ കപ്പ്
2.പഞ്ചസാര പൊടിച്ചത് – ഒരു കപ്പ്
പാൽപ്പൊടി – ഒരു കപ്പിന്റെ മൂന്നിൽ ഒന്ന്
കൊക്കോ പൗഡർ – മുക്കാൽ കപ്പ്
3.സ്ട്രോബെറി ക്രഷ് – ആവശ്യത്തിന്
പാകം ചെയ്യുന്ന വിധം
∙തിളയ്ക്കുന്ന് വെള്ളത്തിനു മുകളിൽ ഒരു ബൗൾ വച്ച് വെർജിൻ കോക്കനട്ട് ഓയിൽ ചൂടാക്കുക.
∙ചെറു ചൂടിൽ രണ്ടാമത്തെ ചേരുവ ചേർത്തു നന്നായി ഇളക്കി യോജിപ്പിക്കുക. തിളയ്ക്കരുത്.
∙ചൂടാറുമ്പോൾ ഹാർട്ട് ആകൃതിയിലുള്ള മോൾഡുകളിൽ പകുതി ഒഴിക്കുക.
∙ഇതിനു നടുവിലായി ഒരു ചെറിയ സ്പൂൺ സ്ട്രോബെറി ക്രഷ് ഒഴിച്ച് വീണ്ടും ചോക്ലേറ്റ് ഒഴിച്ചു നിറയ്ക്കണം.
∙ഫ്രിഡ്ജിൽ വച്ച് രണ്ടു മണിക്കൂർ തണുപ്പിത്തു വിളമ്പാം.
