കണ്ടാൽ സുന്ദരമായൊരു ചെറു ഭവനം. മിതമായ സൗകര്യങ്ങളോടെ ഒരു ചെറു കുടുംബത്തിന് താമസിക്കാം. സിവിൽ എൻജിനീയറായ ഷമീർ അസീസ് ആണ് വീട് പണിതത്. ആകെ വിസ്തീർണം 1425 ചതുരശ്രയടി. പാലക്കാട് മഞ്ഞളൂർ ആണ് സ്ഥലം.
രണ്ടു കിടപ്പുമുറികളുള്ള വീടിനു മുകളിൽ സ്റ്റെയർ റൂം മാത്രമേ ഉള്ളൂ. കന്റെംപ്രറി രീതിയിലുള്ള എക്സ്റ്റീരിയർ ആണ്. മുൻ ഭാഗത്ത് സ്റ്റോൺ ക്ലാഡിങ് ചെയ്ത് മോടി കൂട്ടി. മുൻഭാഗത്തേക്കുള്ള യുപിവിസി ജനലുകളും എക്സ്റ്റീരിയറിന്റെ ഭംഗി കൂട്ടിയിട്ടുണ്ട്.
കാർപോർച്ചും വർക്ഏരിയയും പ്രത്യേകമായി കൊടുത്തു. മെയിൻഡോർ തേക്കിലും അകത്തുള്ളവ മഹാഗണിയിലുമാണ്. മൾട്ടിവുഡ് കാബിനറ്റുകളും ഗ്രാനൈറ്റ് പാതകവുമാണ് അടുക്കളയിൽ. സാധാരണക്കാരന്റെ പോക്കറ്റിനിണങ്ങുന്ന രീതിയിലാണ് നിർമാണം.
ഡിസൈൻ: ഷമീർ അസീസ്, ഫോൺ: 9567118847