1. മൈദ – രണ്ടു കപ്പ്
ഉപ്പ്, വെള്ളം – പാകത്തിന്
2. വനസ്പതി – ആറു ചെറിയ സ്പൂൺ
3. എണ്ണ – കാൽ കപ്പ്
4. വെളുത്തുള്ളി പൊടിയായി അരിഞ്ഞത് – രണ്ടു ചെറിയ സ്പൂൺ
5. ഇഞ്ചി പൊടിയായി അരിഞ്ഞത് – രണ്ടു ചെറിയ സ്പൂൺ
പച്ചമുളക് പൊടിയായി അരിഞ്ഞത് – രണ്ടു ചെറിയ സ്പൂൺ
6. സവാള പൊടിയായി അരിഞ്ഞത് – ഒരു കപ്പ്
7. ഇറച്ചി മിൻസ് ചെയ്തത് – അരക്കിലോ
8. വിനാഗിരി – രണ്ടു ചെറിയ സ്പൂൺ
ഉപ്പ് – പാകത്തിന്
9. ഏലയ്ക്ക – ആറ്
ഗ്രാമ്പൂ – എട്ട്
കറുവാപ്പട്ട – രണ്ടു കഷണം
ജാതിക്ക – ഒന്നിന്റെ കാൽ ഭാഗം
10. കുരുമുളകുപൊടി – ഒരു ചെറിയ സ്പൂൺ
11. മല്ലിയിലയും പുതിനയിലയും പൊടിയായി അരിഞ്ഞത് – രണ്ടു ചെറിയ സ്പൂൺ വീതം
12. എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ചു ചപ്പാത്തിമാവിന്റെ പാകത്തിൽ കുഴച്ചു വയ്ക്കുക.
∙ ഇതു നെല്ലിക്കാ വലുപ്പത്തിലുള്ള ഉരുളകളാക്കി കനം കു റച്ചു പരത്തണം.
∙ ഒരു ചപ്പാത്തിയുടെ മുകളിൽ വനസ്പതി ഉരുക്കിയതു പു രട്ടിയ ശേഷം മറ്റൊരു ചപ്പാത്തി വച്ച് അധികം ബലം കൊടുക്കാതെ ഇരുവശവും പരത്തണം. ഇത് ചൂടായ ദോശക്കല്ലിൽ ഇട്ട് ഇരുവശവും വാട്ടിയെടുക്കണം.
∙ ഇതു രണ്ടായി അടർത്തിയ ശേഷം ഓരോ ചപ്പാത്തിയും നാലായി മുറിച്ചു മാറ്റി വയ്ക്കണം.
∙ ചീനച്ചട്ടിയിൽ എണ്ണ ചൂടാക്കി വെളുത്തുള്ളി മൂപ്പിക്കുക. ഇതിലേക്ക് ഇഞ്ചിയും പച്ചമുളകും ചേർത്തു വഴറ്റുക.
∙ ഇതിലേക്കു സവാള ചേർത്തു വഴറ്റിയ ശേഷം ഇറച്ചി മിൻസ് ചേർത്തു കട്ട കെട്ടാതെ ഇളക്കണം. നന്നായി യോജിപ്പിച്ച ശേഷം വിനാഗിരിയും ഉപ്പും ചേർത്തിളക്കുക.
∙ ഒൻപതാമത്തെ ചേരുവ പൊടിച്ചതും കുരുമുളകുപൊടിയും ചേർത്തു ചെറുതീയിൽ വച്ചു വേവിക്കുക.
∙ വെന്ത ശേഷം അടുപ്പിൽ നിന്നു വാങ്ങി, മല്ലിയിലയും പുതിനയിലയും ചേർത്തു യോജിപ്പിക്കണം. ഇതാണ് ഫില്ലിങ്.
∙ നാലായി മുറിച്ച ചപ്പാത്തിയുടെ ഓരോ കഷണം വീതമെടുത്തു കുമ്പിളാക്കി തയാറാക്കിയ ഫില്ലിങ് ഉള്ളിൽ നിറയ്ക്കുക.
∙ മൈദ കുഴച്ചതു കൊണ്ട് ഒട്ടിച്ചു ചൂടായ എണ്ണയിൽ വറുത്തു കോരാം.