ഭംഗിയോ സൗകര്യങ്ങളോ ഒട്ടും കുറയാതെ ബജറ്റിൽ നിൽക്കുന്ന വീട് നിർമിക്കുക എളുപ്പമല്ല. മലപ്പുറം ജില്ലയിലെ നിലമ്പൂരിനടുത്ത് എടക്കരയിൽ ജംഷി പാലത്തൊടിയുടെ വീടാണിത്. 1474 ചതുരശ്രയടിയാണ് വിസ്തീർണം. രണ്ട് തട്ടിൽ നിന്ന പ്ലോട്ട് നിരപ്പാക്കാതിരുന്നതാണ് ചെലവു ചുരുക്കിയതിലെ ആദ്യപടി.
സിറ്റ്ഔട്ട്, സ്വീകരണമുറി, ബാത്റൂം അറ്റാച്ച്ഡ് ആയ ഒരു കിടപ്പുമുറി എന്നിവയാണ് റോഡ് നിരപ്പിലുള്ള മുകളിലെ തട്ടിൽ. ഡൈനിങ്ങും കിച്ചനും ഒരു ബെഡ്റൂമും താഴത്തെ തട്ടിലും.
ഡൈനിങ് വരുന്ന തട്ടിന്റെ മുകളിലാണ് ഫസ്റ്റ് ഫ്ലോർ. ഇവിടെ ഫാമിലി ലിവിങ്ങും ഒരു കിടപ്പുമുറിയും. ഗോവണികളുടെ അടിയിൽ വാഷ് ഏരിയയും സ്റ്റഡി ഏരിയയും ക്രമീകരിച്ചു.
വീട് വാർക്കുന്നതിനു പകരം ട്രസ്സ് ചെയ്തത് ചെലവ് കുറച്ചു. മാത്രമല്ല, വാതിൽ_ജനൽ കട്ടിളകൾ സിമന്റ് ആണ്. വാതിലുകൾ നാടൻ തടികൊണ്ടും ജനലുകൾ ജിഐ കൊണ്ടും നിർമിച്ചതും ചെലവു നിയന്ത്രിക്കാൻ സഹായിച്ചു.
മെറ്റൽ ഫ്രെയിമിൽ നിർമിച്ച ഗോവണിയ്ക്കും സാധാരണ ഗോവണിയുടെ ചെലവു വന്നില്ല.
കടപ്പാട്: കെ. പ്രസാദ്, ആർക്ക് ബിൽഡേഴ്സ് ആൻഡ് ആർക്കിടെക്ട്സ്, നിലമ്പൂർ, ഫോൺ: 95391 60555
