Wednesday 01 December 2021 10:50 AM IST : By സ്വന്തം ലേഖകൻ

സ്വീഡനിൽ നഴ്സായി ജോലി കിട്ടി; പോകാനുള്ള തയാറെടുപ്പിൽ ഭർതൃവീട്ടിൽ എത്തിയ യുവതി തൂങ്ങിമരിച്ച നിലയിൽ!

വാഴൂർ ഈസ്റ്റ് ആനകുത്തിയിൽ പ്രകാശിന്റെ മകൾ നിമ്മിയുടെ (27) മരണം സ്വീഡനിൽ ജോലി ഉറപ്പാക്കിയ ഘട്ടത്തിൽ. മണിമല വള്ളംചിറ ഈട്ടിത്തടത്തിൽ റോഷന്റെ ഭാര്യയായ നിമ്മി കർണാടകയിൽ നഴ്സായിരുന്നു. ഇതിനിടെ സ്വീഡനിൽ ജോലികിട്ടി. അങ്ങോട്ടേക്കു പോകുന്നതിനു മുന്നോടിയായാണു മണിമലയിലെ ഭർതൃവീട്ടിൽ എത്തിയത്.

ഭർത്താവിനും കുടുംബാംഗങ്ങൾക്കുമൊപ്പം പള്ളിയിൽ പോയി മടങ്ങിവന്നു ഭക്ഷണം കഴിച്ച ശേഷമാണു മുറിയിലേക്കു പോയത്. തുടർന്നു തൂങ്ങിമരിച്ച നിലയിൽ കണ്ടെന്നാണു ബന്ധുക്കളുടെ മൊഴി. ഭർത്താവ് റോഷന് ഈയിടെ ജോലി നഷ്ടമായിരുന്നു. നിമ്മിയുടെ വിദേശത്തുള്ള അമ്മ എത്തിയ ശേഷം വാഴൂർ ചെങ്കൽ‍ തിരുഹൃദയ പള്ളിയിൽ സംസ്കാരം നടത്തും.

Tags:
  • Spotlight