തറവാട് ഓർമ വരുമ്പോൾ തൊടുപുഴ മാളിയേക്കൽ കുടുംബാംഗങ്ങളെല്ലാം മടക്കത്താനത്തെ മാത്യു മാളിയേക്കലിന്റെ പുതിയ വീട്ടിലേക്ക് ഓടിയെത്തും. എല്ലാവരുടെയും പ്രിയപ്പെട്ട, 150 വർഷം പഴക്കമുള്ള തറവാട് പ്രായത്തിന്റെ അവശത മൂലം പൊളിച്ചു നീക്കേണ്ടിവന്നു. തറവാടിന്റെ ഓർമയുണർത്തുന്ന രീതിയിലായതുകൊണ്ടാണ് പുതിയ വീട് കുടുംബാംഗങ്ങൾക്ക് പ്രിയങ്കരമാകുന്നത്.
![t4 t4](https://img.vanitha.in/content/dam/veedu/dream-home/2019/june/26/t4.jpg)
ഗ്രാമത്തിന്റെ പച്ചപ്പിനോടും ലാളിത്യത്തോടും ചേർന്നു നിൽക്കുന്ന രീതിയിലാണ് ആർക്കിടെക്ട് ജോമിൻ ജോർജ് വീട് ഡിസൈൻ ചെയ്തത്. വീട്ടുകാരുടെ ജീവിതശൈലിക്കു വന്ന മാറ്റമനുസരിച്ച് അകത്തളം കുറച്ച് മോഡേൺ ആയിട്ടുണ്ടെന്നു മാത്രം.
![t2 t2](https://img.vanitha.in/content/dam/veedu/dream-home/2019/june/26/t2.jpg)
![t6 t6](https://img.vanitha.in/content/dam/veedu/dream-home/2019/june/26/t6.jpg)
![t3 t3](https://img.vanitha.in/content/dam/veedu/dream-home/2019/june/26/t3.jpg)
ഉയരമുള്ള മുറികളും ഭിത്തികൾകൊണ്ടു നിറയ്ക്കാത്ത അകത്തളവുമെല്ലാം പഴയ തറവാടിന്റെ ഗാംഭീര്യം ഓർമിപ്പിക്കുന്നു. വെട്ടുകല്ലുകൊണ്ടുള്ള ഭിത്തികളും പറമ്പിൽനിന്നുതന്നെയുള്ള തേക്കുമാണ് വീടിന്റെ പ്രധാന നിർമാണവസ്തുക്കൾ. എല്ലാവരും അവരവരുടെ മുറികളിൽ കയറി കതകടച്ചിരിക്കാതെ ഒരുമിച്ചിരിക്കാൻ തോന്നുമെന്നതാണ് ഈ വീടിന്റെ മറ്റൊരു പ്രത്യേകത. അകത്തളത്തിൽ ആവശ്യത്തിന് സൂര്യപ്രകാശവും വായുസഞ്ചാരവും നൽകിയാണ് ഇതു സാധിച്ചത്. 10 പേർക്കിരിക്കാവുന്ന ഡൈനിങ് ടേബിളും ആറുപേർക്കിരിക്കാവുന്ന ബ്രേക്ഫാസ്റ്റ് ടേബിളുമെല്ലാം കൂട്ടുകുടുംബത്തിന്റെ നല്ലകാലത്തെ ഓർമിപ്പിക്കും. പഴയ കാലത്തിന്റെ പുതിയ പതിപ്പ് സൂപ്പറാണെന്ന് കുടുംബാംഗങ്ങൾ ഒറ്റസ്വരത്തിൽ പറയുന്നു.
![t1 t1](https://img.vanitha.in/content/dam/veedu/dream-home/2019/june/26/t1.jpg)
വിവരങ്ങൾക്ക് കടപ്പാട്;
ജോമിൻ ജോർജ്, ആർക്കിടെക്ട്– 94478 04470
‘ഉരുക്കു വനിതയെ ഞാനീ രാഷ്ട്രത്തിനായി സമർപ്പിക്കുന്നു’; മകളുണ്ടായ സന്തോഷം പങ്കുവച്ച് ബിബിൻ ജോർജ്